Районның авыл мәктәбендә кышкы каникуллар вакытында төрле чаралар узды

Бу чорда сыйныф җитәкчеләренең игътибары укучыларның ялын файдалы һәм шул ук вакытта куркынычсыз итүгә юнәлтелә. Иске Тимошкино мәктәбе ишекләренең каникул вакытында да ачык булуы гаҗәп булмады.

Түбән һәм урта сыйныфлар укучылары әлеге белем бирү учреждениесе өчен традицион булган «Шах һәм мат» яңа ел турнирында энтузиазм белән катнаштылар. Турнирны, һәрвакыттагыча, өстәмә белем бирү педагогы Владислав Мулеев оештырды.

Шахмат көрәше ике сәгать дәвам итте. Турнир катнашучылары реакция җитезлеген дә, йөрешләрне уйлап ясау осталыгын да күрсәттеләр. Аларның барысын да интеллектуаль ярышларга җитди караш аерып торуы күренеп торды. Һәр уенчыга берничә партиядә көчен сынарга туры килде. Җиңүчеләрне бүләкләр көтте.

Ел саен оештырыла торган “Кышкы күңел ачулар” акциясе кысаларында спорт-күңел ачу уеннары да күпсанлы катнашучыларны җәлеп итте.

Ачык һавада хәрәкәтчән уеннарда укучылар алда торган иң озын уку чирегенә күтәренке кәеф һәм дәрт алдылар.

Фото: Иске Тимошкино мәктәбе архивыннан.