Район ТИН укытучыларының секция дәресе узды

Район мәгариф бүлеге методисты Юрий Мишин нигездә мәктәп укучыларына патриотик тәрбия бирүдән торган укытучыларның мәктәптән тыш эшчәнлеген анализланды. Чыгыш ясаучы шулай ук фәнне укытудагы матди базаның торышын кыскача тасвирлады. Аның сүзләренә караганда, кайбер мәктәпләрдә ул бүгенге көн таләпләренә җавап бирми.

Мәгариф бүлеге белгече ТИН буенча олимпиада хәрәкәтенә дә тукталды, шул ук вакытта эшне яхшырту буенча тәкъдимнәр дә бирде. Моның өчен курсның гамәли юнәлешен көчәйтергә, укучыларны олимпиадага инде сентябрьдән үк әзерли башларга, һәм, әлбәттә, материаль базаны камилләштерергә кирәк, – дип ассызыклады чыгыш ясаучы.

Юрий Мишин чыгышыннан күренгәнчә, узган уку елында ТИН буенча Бөтенроссия олимпиадасының мәктәп этабында 232 укучы катнашкан. 18 җиңүче һәм призер республика этабында катнашкан. Муниципаль этапта 3-11 сыйныфларда 55 укучы фәнне белүләрен күрсәткән. ТИН курсының мөһим өлеше – яшь армия хәрәкәтендә катнашу, һәм бу эш, билгеләп үтелгәнчә, район мәктәпләрендә тиешле дәрәҗәдә уздырыла.

ТИН курсы – ул әле тагын “Идел буе аҗаганы” хәрби-спорт уенында катнашу да, унынчы сыйныф укучыларының өйрәнү-кыр җыеннарында катнашуы да, һәм укытучыларның бөтен уку елы дәвамында балалар үлеменә бәйле бәхетсезлек очракларын булдырмау максатларында эшләве дә. Язын – боздан, җәй көне сулыкларда коену һәм янгын куркынычы югары булган чорларда.

Юрий Мишин билгеләп үткәнчә, узган уку елында район мәктәпләрендә ТИН буенча фән атналыклары үткәрелгән. Алар курсны укыту эшендә педагогларның, традицион һәм инновацион алымнарны да катнаштырып, төрле алымнарны куллануларын күрсәтте.

–Болар барысы да укучыларның тормыш эшчәнлеге нигезләрен тәэмин итүдә укучыларның белемнәрен күтәрүне тәэмин итәргә һәм баланың шәхесенә тискәре йогынты ясау куркынычын киметергә мөмкинлек бирә, – дип ассызыклады ул.

Алексей Никитин һәм Николай Сандимиров коллегалары белән курсны укыту тәҗрибәсе белән уртаклаштылар.