Район юллары куркынычсыз булырга тиеш

Утырышта катнашучылар узган елда районда һәлакәтләр торышын тикшерделәр.

ЮХИДИ бүлеге дәүләт автоинспекторы Илшат Сибгатуллин хисап чыгышында билгеләп үткәнчә, 2023 елда район территориясендә 21 юл-транспорт һәлакәте теркәлгән, аларда бер кешенең гомере өзелгән, 24 кеше төрле дәрәҗәдәге тән җәрәхәтләре алган. Аннан алдагы ел белән чагыштырганда юл-транспорт һәлакәтләре саны 18 дән 21гә кадәр арткан, һәлак булучылар саны ике кешегә кимегән, зыян күрүчеләр саны бер кешегә арткан. Узган чорда исерек машина йөртүчеләр катнашында биш юл-транспорт вакыйгасы килеп чыккан, аларда биш кеше төрле дәрәҗәдә имгәнүләр алган.

Дәүләт автоинспекциясе эшчәнлегенең мөһим юнәлеше булып аварияләр торышына турыдан-туры йогынты ясый торган кагыйдә бозуларны профилактикалау тора. Дәүләт автоинспекторлары исерек килеш руль артына утырган 65 машина йөртүчене ачыклаган. Шулай ук исерек хәлдә транспорт чарасы руле артына кабат утыру маддәсе буенча 10 җинаять ачыкланган.

Утырышта шулай ук Нурлат шәһәренең «БДД» ДБУнең Аксубай районы башкарма комитеты белән хезмәттәшлеге нәтиҗәләре турында сөйләделәр, юл хәрәкәте иминлеген пропагандалау буенча эшнең мөһимлеген ассызыкладылар. Бер елда юлтранспорт һәлакәтләрен профилактикалау максатларында профилактика эшләренең зур күләме башкарылган. Бу – әңгәмәләр, мәктәпләрдә һәм мәктәпкәчә һәм социаль учреждениеләрдә дәресләр, укучыларның ата-аналары белән очрашулар. 2023 елда Аксубайның 2 нче мәктәбендә югары дәрәҗәдә дәресләр үткәрергә мөмкинлек бирә торган юл хәрәкәте кагыйдәсен өйрәнү буенча сигез югары технологияле компьютер тренажеры барлыкка килде. Әлеге җиһаз ЮИДның 50 еллыгына районга ТР ЮХИДИ идарәсеннән бүләк.

Юл хәрәкәте иминлеген тәэмин итү буенча район комиссиясе рәисе Станислав Зайцев, муниципаль юл фондының калган акчалары исәбеннән, юл хәрәкәте куркынычсызлыгын күтәрүгә юнәлдерелгән узган елгы муниципаль юл фонды акчалары исәбеннән республика программалары буенча башкарылган эшләргә йомгак ясады. Шулай ук җирле бюджет акчалары исәбеннән юл хәрәкәте куркынычсызлыгын арттыру буенча муниципаль максатчан программаны гамәлгә ашыруга да тукталды.

– Һәр башкарылган пункт – район гражданнары өчен юлларда куркынычсызлыкны тәэмин итүгә ярдәм итә, – билгеләп үтте ул. – Һәм бу планда эш дәвам итәчәк.

Комиссия тиешле карарлар кабул итте.