Район газетасы әбүнәчесе «Татмедиа» АҖдән бүләккә алган икмәк пешерү җайланмасында ипи пешерде

Авыл укытучысы аны «Татмедиа» АҖ абонентлары арасында үткәргән бәйгедә җиңеп алды, анда шартлар медиа-холдинг канаты астында чыгарыла торган газета-журналга язылу иде.

– Мин газета-журналлар укып үскән буыннан, әнием чуаш телендә район газетасын да, балалар журналларын да яздыра иде, – дип сөйләде ул.

Бүләк тапшырылганнан соң дүрт сәгатьләп вакыт үткәндер, ватсаптан тәмле икмәк фотолары килде. Фотодан хәтта яңа пешеп чыккан тәмле ипи исе килә кебек тоелды.

– Беренчесе күпереп, кызарып пешеп чыкты! Чәй эчәргә килегез! – дип чакырды әбүнәче.