Пациент аягында авырту белән килгән, ә ампутациядән һәм аорта өзелүдән котылган

Казанда МКДЦ табиблары Татарстанның йөрәк-кан тамырлары хирургиясе тарихында беренче тапкыр йөрәк тибеше вакытында аортокоронар шунтлау һәм организмның төп артериясе булган аортаны протезлауны башкарганнар.

70 яшьлек Валерий Дмитриев табибларга аягындагы авырту белән мөрәҗәгать иткән – тырналган урын төзәлмәгән, ә кан әйләнеше туктаган диярлек. Тикшерү аорта аневризмасының тромблар белән тулган булуын күрсәткән. Аяк гангрена алды хәлендә булган, һәм ашыгыч операциядән башка эш ампутациягә китерергә мөмкин булган.

Авырлыгы шунда ки, пациентның йөрәге авыру булып чыккан, һәм һәрбер аерым операция үлем куркынычы тудырган. Табиблар – йөрәк эшен туктатмыйча, берьюлы ике операция башкарырга кирәк дигән гадәттән тыш карар кабул иткәннәр. Россиядә мондый очраклар бик сирәк.

Ике табиблар командасы — кардиохирурглар һәм кан тамырлары хирурглары – бердәм механизм буларак эшләгәннәр. Икенче көнне үк пациент реанимациядән гадәти палатага күчерелгән.

Элегрәк без табиблар Татарстан халкын диспансерлаштыруны вакытында узарга чакыралар дип язган идек.