Аксубай паркында балалар биеделәр һәм сабын куыклары очырдылар

Парктагы концерт мәйданчыгында төрле яшьтәге бик күп бала җыелды – нәниләрдән алып өлкән сыйныф укучыларына кадәр. Балаларга кунакка Бантик белән Шарик һәм “Буратино” әкияте персонажлары килде.

Күңелле музыка, биюләр балаларны җәлеп итте. Катнашучылар Буратино турындагы фильмнан популяр көйләргә биеделәр. Сабын куыклары очрыту балалар өчен тагын да кызыклы күңел ачу булды. Әкият персонажлары уеннар, бәйгеләр, викториналар үткәрделәр. Катнашучыларга танылган әсәрнең эпизодларын искә төшерергә, зирәклек күрсәтергә туры килде.