Нефтьчеләр Түбән Баланда балаларына уен мәйданчыгы бүләк итте

Уен комплексын авыл үзәгендә, мәктәп һәм балалар бакчасы бинасы каршында урнаштырдылар. Ул яшь баландинлыларны һәм авыл кунакларын үзенә тартып тору үзәгенә әверелде. 

“ТАТЕХ” ЯАҖ генераль директоры Ирек Хәйруллин, район башлыгы Камил Гилманов белән бергә, балалар мәйданчыгының ничек урнашуын шәхсән үзе карарга килде. Яңа объектта күңелле атмосфера хөкем сөрде: төрле яшьтәге дистәләрчә бала тауда шуды, таганда атынды, баскычтан менде, яшь әниләр сабыйларын таганда атындырдылар. 

– Ирек Хәйруллин җитәкчелегендәге нефть компаниясе – социаль юнәлешле предприятие, – дип билгеләп үтте Камил Гилманов. – Ул халыкның ихтыяҗларын белә һәм безгә мәктәпләр, социаль учреждениеләр, сәламәтлек саклау объектларын ремонтлауда актив ярдәм итә. – Бу ярдәм конкрет затларга, шул исәптән балаларга да килә. Бу авылга да бәхет елмайды: Түбән Баланда башлангыч мәктәбе-балалар бакчасы районның биш учреждениесе арасында максатчан финанс ярдәме алды. Болар барысы да кешеләр файдасына. 

Ирек Хәйруллинга башлангыч мәктәп-балалар бакчасы директоры Ольга Копонева чын күңелдән рәхмәт белдерде. 

– Бу уен мәйданчыгы турында Баланда балалары күптән хыялланды, – диде ул. – Аларның хыяллары, теләкләребез тормышка ашты. Авыл халкы исеменнән ихлас рәхмәт сүзләрен кабул итегез. 

Кәкре Күл авыл җирлеге башлыгы Сергей Елисеев, мәдәният йорты методисты Василий Воронин, газ җиһазлары операторлары Павел Малов, Павел Дегтярев, Түбән Баландада яшәүчеләр Николай Копонев, Анатолий Борисов, шулай ук баландалыларга эштә Кәкре Күл авылының битараф булмаган кешеләре Владимир Воробьев һәм Александр Коновалов ярдәм иттеләр. Алар китерелгән җиһазларны бер көн эчендә җыя һәм урнаштыра алдылар, ә аннары мәйданчыкны чаптылар, балалар йөгерә һәм уйный алсын өчен тәртипкә китерделәр.