Мамадышта мини-футбол буенча республика ярышлары узды
Аксубай районы футболчылары Татарстан Республикасы Кубогы өчен көрәшкән 24 команда арасында иде.
Мамадышта кечкенә шәһәрләр һәм районнарның ир-ат командалары арасында 2021 елгы мини-футбол буенча республика ярышлары тәмамланды. Турнирда республиканың 24 командасы катнашты.
Республика уеннары кысаларында мини-футбол бер үк вакытта ике мәйданчыкта – "Дуслык" һәм күптән түгел ачылган "Юбилейный" спорт комплекслары базаларында узды. Финалга Сабаның беренче һәм икенче урыннарны алган ике командасы чыкты, Мамадыш командасы өченче урында.
Безнең команда футболчылары, кызганычка каршы, финалга уза алмады. Әмма алар уеннар вакытында зур тәҗрибә һәм күп кичерешләр алдылар.
Фото: яшьләр эшләре һәм спорт бүлеге архивыннан.
Следите за самым важным и интересным в Telegram-каналеТатмедиа
Нет комментариев