Мәдәният йорты янындагы мәйданда традицион авыл хуҗалыгы ярминкәсе узды, аны Өлкәннәр декадасына багышладылар

 Алар районның шәхси хуҗалыклары өчен ашлык алып килделәр.

Кыска вакыт эчендә район мәктәпләренең сәүдә рәтләре тулыланды, алар бакчада үстерелгән артып калган яшелчә һәм җиләк-җимешләр тәкъдим иттеләр. Шулай ук фермерлар һәм уңышлы бакчачылар сатып алучылар өчен үз продукцияләрен тәкъдим иттеләр. Ярминкәгә килүчеләр арасында күп өлешне – өлкән яшьтәге кешеләр алып торды, ярминә, нигездә, нәкъ менә алар өчен оештырыла, кышкыга запасларны районда үстерелгән сыйфатлы һәм арзанлы продукциядән тулыландыру мөмкинлеге бирелә.

Мәдәният йорты һәм авыл мәдәният учакларының иҗат коллективлары башкаруындагы җырлар бәйрәмгә ямь өстәде.

Бәйрәмдә катнашучыларга район башкарма комитеты җитәкчесе урынбасары Сергей Александров мөрәҗәгать итте.

– Ярминкәдә үз продукцияләрен тәкъдим итүчеләрнең барысына да рәхмәт әйтәсе килә, – диде ул.

– Барлык халкыбызга да, финанс кыенлыклары булса да, бу елның сезнең өчен уңышлы узуын телибез. Кадерле ветераннарыбызга сәламәтлек һәм яхшылык телисем килә. Туганнарыгыз, дусларыгыз һәм якыннарыгызның игътибарын һәм кайгыртуын тоеп яшәгез.

Ярминкә мәйданы сәүдә нокталарының матур бизәлеше белән җәлеп итте. Бигрәк тә белем бирү учреждениеләренең сәүдә рәтләре аерылып торды, алар көзге күргәзмәне хәтерләтте. Өченче мәктәп вәкилләре өлкән буын кунакларын камыр ризыклары белән кайнар чәй белән сыйладылар.
Авыл хуҗалыгы ярминкәсендә мәктәп сәүдә нокталары товарларның иң киң ассортиментын – суган, сарымсак, кишер, чөгендер, кабак, ташкабак, кәбестә, алма, көзге җиләк-җимеш, помидор, болгар борычы, бал тәкъдим иттеләр.

Фермер Геннадий Петрушков үз товарларын – чәчәкләр, чәчәк һәм кура җиләге үсентеләре тәкъдим итте, сатучы шулай ук үсемлекләр үстерү тәҗрибәсе белән дә уртаклашты.

Павловлар ярминкәгә шулай ук чәчәк үсентеләре алып килделәр һәм сатып алучыларга консультацияләр бирделәр.

Һәвәскәр яшелчәче Юлия Башкирова үз бакчасында үстерелгән продукцияне тәкъдим итте һәм бакчачылык серләре белән бик теләп уртаклашты.

Терлекләре булган хуҗалар ашлык салынган йөк машиналарыннан ашлык сатып алдылар. Район үзәгендә яшәүче өлкән буын вәкилләренә сатып алынган товарны алып кайтуда Аксубай бистәсе башкарма комитеты хезмәткәрләре ярдәм күрсәтте.