Куркынычсызлык каешларын эләктерегез!

Юл хәрәкәтендә катнашучыларның иминлек каешын куллану өлешендә административ кагыйдә бозуларны профилактикалау һәм булдырмау әлеге чараның төп бурычы булып тора.

Канун нигезендә, машина йөртүче иминлек каешы белән җиһазланган транспорт чарасында хәрәкәт иткәндә, үзе дә иминлек каешын эләктерергә тиеш, иминлек каешын эләктермәгән пассажирны да утыртып йөртмәскә тиеш. Транспорт иминлеге үзәге тикшеренүләре буенча, куркынычсызлык каешларын куллану юл-транспорт һәлакәтләрендә машина йөртүче һәм алгы утыргыч пассажирлары өчен үлү яки имгәнү ихтималын – 50 процентка, арткы утыргыч пассажирлары өчен – 25 процентка киметә.

Куркынычсызлык каешын эләктерү бәрелгән вакытта исән калу мөмкинлеген биш тапкырга арттыра. Татарстан Республикасы буенча ЭЭМ дәүләт автомобиль инспекторлары юл хәрәкәте кагыйдәләрен тайпылышсыз үтәргә кирәклеге хакында искәртәләр һәм юл хәрәкәтендә катнашучыларны үтә дә игътибарлы һәм сак булырга өндиләр.

Фото: automotolife.com