Кәкре Күл мәктәбе укучысы – 2020 елгы Бөтенроссия иншалар бәйгесе җиңүчесе

Кичә ТР мәгариф һәм фән министры Илсур Һадиуллин – Бөтенроссия иншалар бәйгесенең иң яхшы эшләр авторлары булган мәктәп укучыларын, шулай ук ата-аналарны, укытучыларны һәм директорларны конкурс җиңүчеләрен югары дәрәҗәдә әзерләгән һәм тәрбияләгән өчен бүләкләде.

Төбәк этапка республиканың 30 муниципаль берәмлегеннән гомумбелем бирү оешмаларында укучы 4–11 сыйныф укучыларының төрле жанрдагы 162 иншасы тәкъдим ителде.

Г.Г. Романов исемендәге Кәкре Күл мәктәбенең 6 сыйныф укучысы Анна Башатова ата-балалар истәлегенә багышланган Бөтенроссия иншалар конкурсы җиңүчесе булды. «Чемоданда музей – гаилә ядкаре» хикәясе өчен ул 2020 елгы Бөтенроссия иншалар конкурсында һәм шул ук конкурсның төбәк этабында җиңү яулаганы өчен Диплом һәм РФ Мәгариф министрлыгыннан истәлекле бүләк алды.

Конкурс җиңүчесе Анна Башатованы югары дәрәҗәдә әзерләгәне өчен Кәкре Күл мәктәбенең рус теле һәм әдәбияты укытучысы Татьяна Крайнова ТР Мәгариф һәм фән министрлыгыннан һәм РФ Мәгариф министрлыгыннан Рәхмәт хатлары тапшырылды. Шулай ук мәктәп директоры Наталия Купцова эше дә ТР Мәгариф һәм фән министрлыгының Рәхмәт хаты белән билгеләп үтелде.

Барлык иншалар белән Бөтенроссия иншалар бәйгесенең рәсми сайтында һәм «2020 елгы Бөтенроссия иншалар конкурсы җиңүчеләре иншалары җыентыгында» танышырга мөмкин.

Фото