Киләсе атнада Татарстанда 30 градуска кадәр салкын көтелә

Киләсе атна башында Татарстанда аномаль салкыннар көтелә.

6 февральдә, шимбә көнне, республикага салкын Арктика һавасы килә башлаячак, бу хакта элегрәк КФУ метеорология, климатология һәм атмосфера экологиясе кафедрасы мөдире Юрий Переведенцев кисәткән иде.

Кар явачак, урыны белән буран һәм секундына 16 метрга кадәр көчле җил көтелә. Һава температурасы 9дан 14 градуска кадәр салкын була, төнлә һәм иртән аязганда кайбер урыннарда -16, -21 градуска кадәр җитә.

Якшәмбе, 7 февральдә, температура фонының кимүе дәвам итәчәк. Төнлә -20.. - 25, көндез -17..  -22 градуска кадәр көтелә.  

Чыганак: tatar-inform.tatar