Хәрби комиссариат балаларга Кыш бабайдан бүләкләр тапшырды
«Хыял» приютында Чирмешән һәм Аксубай районнары хәрби комиссариаты хезмәткәрләре булып китте.
Яңа ел алдыннан алар тәрбияләнүчеләрне сөендереп, аларга шатлык бүләк итәргә булган.
–Бүләкләрне сезгә Кыш бабай сәламәт, тыңлаучан, тәртипле булу теләге белән тапшырды, – диде хәрби комиссар Сергей Иванов приютта тәрбияләнүче сабыйларга бүләкләр өләшеп.
Балалар башта пакетларга күз салдылар, ә соңыннан инде өлкәннәргә бүләкләр өчен рәхмәт әйттеләр.
Приют директоры Любовь Старшинина, иганәчеләр һәм меценатлар приютка һәрвакыт булышалар, бигрәк тә Яңа ел алдыннан, балаларга әкияткә ышанырга мәҗбүр итәләр, дип билгеләп үтте. Ә әкият – ул яхшы хисләр, күтәренке кәеф һәм бәхетле балалар.
Следите за самым важным и интересным в Telegram-каналеТатмедиа
Нет комментариев