Хорда җырлау – укучыларның яраткан шөгыле

Бу фәнне югары класслы профессионал Владимир Егоров алып бара. Ул мәктәп укучыларын музыкага өйрәтү буенча авторлык программасына ия. Иң мавыгучылар дәрестән соң түгәрәкләрдә шөгыльләнә.

Хор  – музыкаль педагог эшендә мөһим юнәлеш.

Владимир Павлович һәр укучының сәләтен белә. Савгач урта мәктәбе хоры-иң сыналган тамашачыны да үзенең иҗаты белән шаккатыра ала торган вокаль коллектив. Аның репертуарында халык җырлары, классик, заманча җырлар. Балалар музыкаль әсәрләрне кызыксынып өйрәнәләр, үз педагогларын ярты сүздән аңлыйлар. Катнашучылар ел саен алмашынып тора: чыгарылыш укучылары мәктәпне тәмамлап киткәч, аларга алмашка яшь башкаручылар килә. Укытучы талантларны таный һәм үстерә.

Владимир Егоров тәрбияләнүчеләре район, республика конкурсларында берничә тапкыр призлы урыннар яуладылар.

Фото: Владимир Егоровның шәхси архивыннан