Хатынын үтергәнче кыйнаган

Россия ЭЭМның Аксубай районы буенча бүлегеннән алынган мәгълүматларга караганда, вакыйга булган урынга килгән полиция хезмәткәрләре хатын-кызның кыйналып үтерелгән булуына шикләнәләр.

Җинаятьчеләрне эзләү бүлеге хезмәткәрләре әлеге җинаять кылуда шикле, үлгән хатын-кызның элек хөкем ителгән 42 яшьлек ирен кулга алалар. Ир-ат хатыны белән бергә спиртлы эчемлек куллануларын әйтә.

Аннан соң  көнләшү җирлегендә алар арасында бәхәс куба һәм гауга барышында ир кеше хатын-кызга берничә тапкыр суга. Хатын кыйнаудан урында ук җан бирә.

Хәзерге вакытта ир-ат кулга алынган, аңа карата “үтерү“ маддәсе буенча җинаять эше кузгатылган.