Кешеләргә шатлык өләшә

Район ветераннар советы рәисе Галина Бобкова сүзләренә караганда, бу бүләк – Зинаида Петровнаның картлык көннәрендә ялгыз һәм ярдәмсез калган аксубайлылар файдасына күпьеллык эш нәтиҗәсе.

Ул ярдәмгә мохтаҗларга йөрәк җылысын һәм иртәгесе көнгә ышаныч бүләк итеп, һәр атна алар янына килә.

Ул үзенә көч һәм куәтне кайдан ала соң? Әле сигез ел элек кенә, 2014 елда, «Ел хәйриячесе» Республика бәйгесенә нәтиҗәләр ясау тантанасында Татарстан Республикасы Дәүләт Киңәшчесе Минтимер Шәймиев Зинаида Петровнага Хәйрияче Дипломы тапшырды. Ул вакытта аңа 68 яшь иде.

– Иҗтимагый эш рухландыра, оптимизм уята, шатлык бүләк итә, ә иң мөһиме, илдә барган вакыйгаларга кагылышлы булу мөмкинлеге бирә, – дип сөйли бүген Зинаида Петровна. – Минем өчен тормышта иң мөһиме – кешеләргә кирәкле булу. Башкача мөмкин дә түгел. Ә бу бүләк, минемчә, иптәш хатыннарым, район активистлары белән уртак тырышлык нәтиҗәсе. Волонтерның көндәлек эшчәнлегендә кыенлыклар аз түгел, аларны бары тик бергә генә җиңеп була.