Казанда мәчетләргә бушлай экскурсияләр оештырыла

19 мартта Казан халкын һәм кунакларын экскурсовод Җәмилә Локманова белән бергә Иске Татар бистәсе мәчетләре буйлап экскурсиягә чакыралар.

Казан мэриясе матбугат хезмәте хәбәр итүенчә, чарада катнашучылар мәчетләргә нигез салыну тарихын һәм аларның совет чорында язмышын белә, иң күренекле имамнар һәм хәйриячеләр белән таныша, мәчетләрнең эченә керә ала.

Чара 11:00 сәгатьтә башлана. Катнашу бушлай. Теркәлү өчен Казан Мэриясенең «Вконтакте» социаль челтәрендәге рәсми аккаунтына фамилия, исем, телефон номерын язып җибәрергә кирәк. Экскурсиядә катнашучыларга очрашу урынын язылган вакытта хәбәр итәчәкләр.

Чыганак: tatar-inform.tatar