Соңгы яңалыклар
Казанда газ шартлаган йортта яшәүчеләрне күчерәләр
Урында ашыгыч хезмәтләр һәм шәһәр администрациясе вәкилләре эшне оператив рәвештә җәелдергән.
Казанда Лукин урамындагы 1а йортында яшәүчеләрне күчерәләр, җиденче каттагы фатирда газ шартлаган. Казан мэриясе матбугат хезмәте мәгълүматы буенча, подъезддан 35 кешене эвакуацияләгәннәр.
Вакытлыча фатирларга кертелмәгән кешеләрне махсус автобуста урнаштырганнар һәм вакытлыча яшәү вариантларын тәкъдим иткәннәр. Биредә яшәүчеләрнең күбесе туганнары һәм якыннары янында калырга ниятли, 11 кеше вакытлыча урнашу өчен урын сораган.
Россия Гадәттән тыш хәлләр министрлыгының Татарстан Республикасы буенча Баш идарәсе хәбәр иткәнчә, янгын сүндерүчеләр урынга килеп җиткәндә, балкон конструкцияләре янган. Янгын сүндерүчеләр 5 квадрат метр мәйданда ачык януны туктатканнар. Янгынны сүндерү вакытында бер ир-ат мәете табылган.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев