Казанда Аксубай районы Мәдәният көне

Чара “Әкият” балалар үзәгендә узачак. Район авыл хуҗалыгында, мәдәнияттә, спортта, халык кәсепләрендә казанышлар күргәзмәләрен тәкъдим итәчәк. 

16:30 сәгатьтән мәйданчыкта күргәзмә-ярминкә, интерактив мәйданчыклар, иҗади остаханәләр  эшли башлаячак.

18:00 сәгатьтә “Традицияләрне һәм гаиләләрне саклап” дигән зур концерт программасы башлана. Программа якты һәм кызыклы булырга вәгъдә итә. Сәхнәдә районыбызның иң яхшы коллективлары һәм башкаручылары чыгыш ясаячак.

Хөрмәтле аксубайлылар, Казанда яшәүче якташлар сезне Аксубай районының Мәдәният көненә чакырабыз. Бу көнне игелек, дулкынлану, хис-кичерешләр һәм иҗат атмосферасына чумарсыз, туган ягыгызның җылысын тоеп, якташларыгызның талантларына, туган ягыгыз байлыгына сокланырсыз.

6+