Соңгы яңалыклар
Картингчылар көч сынашты
2 нче Аксубай урта мәктәбе базасында «Игътибар - балалар!» исемле балаларны яклау көненә багышланган картингчылар ярышы узды.
Анда клуб җитәкчесе Валентина Якимовада тәрбияләнүче 20 укучы катнашты. Чараның максаты һәм бурычлары булып укучыларны спортның техник төрләре белән шөгыльләнүгә җәлеп итү, сәламәт яшәү рәвешен пропагандалау, юл хәрәкәте кагыйдәләрен белүне ныгыту торды.
Чара ахырында ярышларда җиңүчеләр һәм призерлар юл хәрәкәте иминлеге фондыннан грамоталар һәм кызыксындыру бүләкләре белән бүләкләнделәр.
Нурлат шәһәрендә Юл хәрәкәте иминлеге дәүләт бюджет учреждениесенең профилактика бүлеге начальнигы Гөлфия Гыймалетдинова һәм ЮХИДИ хезмәткәрләре балалар белән җәйге каникуллар вакытында юл хәрәкәте кагыйдәләрен үтәү турында профилактик әңгәмә үткәрделәр, тәүлекнең караңгы вакытында яктылык кайтаручы элементларны мәҗбүри рәвештә кию турында искә төшерделәр.
Татьяна Сулейманова фотосы.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев