Иске Мокшино авылында юбилярларны хөрмәтләделәр
Иске Мокшино авылы мәйданында авыл бәйрәме узды.
Чараның төп вакыйгасы озак еллар бергә яшәгән парларны хөрмәтләү булды. Өч пар җылы сүзләр һәм лаеклы бүләкләр алды: алтын юбилярлар — 50 ел иңне-иңгә куеп яшәүче Надежда һәм Петр Хмелевлар; көмеш юбилярлар – 45 еллык гаилә стажы булган Людмила һәм Николай Гавриловлар; 35 ел бергә тату гомер итүче Нина һәм Геннадий Молодкиннар.
Җирлек башлыгы Татьяна Зюзина юбилярларны котлап, аларга Рәхмәт хатлары һәм истәлекле бүләкләр тапшырды.
Рәсми өлештән соң кунакларны бәйрәм концерты көтте, ә чара өйдәгечә җылы тәмамланды: барлык катнашучыларны хуш исле кайнар үзбәк пылавы белән сыйладылар.
Фото Иске Мокшино авыл мәдәният йорты архивыннан.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев