Ярдәмегез өчен рәхмәт!

Безнең дусларыбыз, иганәчеләребез һәм меценатларыбыз күбәйде. Беренче чиратта район башлыгы Камил Гилмановка зур рәхмәт әйтәсе килә, ул һәрчак редакция коллективына һәрьяклап ярдәм итә. Аның язылуны беренчеләрдән булып рәсмиләштергән җиңел кулыннан язылу кампаниясе уңышлы үтте. РФ Дәүләт Думасы депутаты Олег Морозов та, мобилизацияләнүчеләрнең гаиләләренә кырык данә подписка рәсмиләштереп, безнең язылу кампаниясен хуплады. Дүрт ел рәттән ТР Дәүләт Советы депутаты Шамил Яһудин редакциянең тугры дусты, иганәчесе һәм меценаты булып кала – ул үзәк мәчеткә һәм чиркәүгә йөрүчеләргә район басмаларына язылу бүләк итә. «Волга Селект» ҖЧҖ җитәкчелеге белән хезмәттәшлегебез ныгый – директор Рәнис Җәләлов җитәкчелегендәге агрофирма һәр хезмәткәргә үз хисабына язылу рәсмиләштерә.

Яңа язылу кампаниясендә безне күп кенә оешмалар һәм предприятиеләр дә хупладылар. Үзәк китапханә, урман хуҗалыгы, полиция бүлеге, «Хыял» балалар һәм яшүсмерләр өчен приюты, «Нежность» үзәге бөтен коллектив белән район газетасына язылу рәсмиләштерделәр. Язылу кампаниясе чорында шулай ук мәдәният һәм мәгариф бүлекләре дә басмаларга язылу рәсмиләштереп, редакцияне хупладылар. Хат ташучыларга аерым рәхмәт сүзләре әйтәсе килә. Светлана Непомнящая җитәкчелегендәге почта элемтәсе коллективы – район газетасына язылуны оештыруда безнең беренче ярдәмчеләребез. Хат ташучыларга ихлас рәхмәт сүзләре – алар басмаларга яздырып кына калмыйлар, газетаны укучыларга вакытында китерәләр дә. Барыбызга да тыныч күк йөзе, сәламәтлек һәм иминлек телибез!

Людмила Жаренова,

«ТАТМЕДИА» АҖ филиалы район газетасы редакциясенең баш мөхәррире-җитәкчесе.