Яңа офыклар эзләп: Аксубайда кадрлар мәсьәләсен ничек хәл итәргә?

Хезмәт дөньясы бик тиз үзгәрә, ә яңа һөнәрләр даими рәвештә барлыкка килә торган дөньяда кадрларның заман таләпләренә туры килүен ничек тәэмин итү мәсьәләсе килеп баса. Үзгәрүчән чынбарлыкта үз урынын эзләүче кешеләргә ничек ярдәм итәргә? Бу сорауга җавапны «Демография» милли проектына керә торган «Мәшгульлеккә ярдәм» федераль проекты кысаларында табарга мөмкин.

– Хезмәт базарында ихтыяҗ булган һөнәрләр буенча яңадан укыту программасы үз тормышын яхшы якка үзгәртергә теләүчеләргә уникаль мөмкинлек бирә. Яңа һөнәр эзлисезме яисә квалификация күтәрергә телисезме – мөһим түгел, программа сезнең алда киң перспективалар ача, – ди “Аксубай районы халыкны эш белән тәэмин итү үзәге” ДКУның әйдәп баручы белгече Венера Стоянова.

Ул балалары булган эшсез хатын-кызлар, инвалидлар, сугыш хәрәкәтләре ветераннары һәм аларның гаилә әгъзалары, 35 яшькә кадәрге яшьләр, шулай ук эштән азат ителү яки тулы булмаган эш көненә күчерелү куркынычы янаган хезмәткәрләр өчен ачык. Программа шулай ук пенсия алды яшендәге кешеләргә һәм 50 яшьтән өлкәнрәк гражданнарга, шулай ук 3 яшькә кадәр бала карау буенча ялда булган хатын-кызларга һәм качакларга ярдәм итә.

Уку процессы гади: сезгә «Работа в России» порталында теркәлергә, үзегезне кызыксындырган программаны сайларга һәм мәшгульлек үзәгендә һөнәри юнәлеш алырга кирәк. Белгечләр Сезгә үз күнекмәләрегезгә һәм максатларыгызга туры килә торган программаны сайларга ярдәм итәчәк. Укудан соң сезгә эшкә урнашу турында килешү төзергә тәкъдим ителәчәк, бу сезгә яңа белгечлек буенча эш урыны гарантияли.

2024 елда һөнәри белем бирүне (эшче һөнәрләре һәм хезмәткәр вазыйфалары буенча әзерләү һәм яңадан әзерләү), шулай ук урта һөнәри яки югары белем алучылар өчен өстәмә һөнәри белем бирүне үз эченә алган 290 төрле программа гамәлдә. Укулар көндез дә, дистанцион рәвештә дә үткәрелергә мөмкин. Укуны тәмамлагач, сез яңа квалификациягезне раслый торган диплом яки сертификат алачаксыз.

– Укуны узуның бер шарты булып киләчәктә эшкә урнашу турында килешү төзү тора. Бүгенге көнгә мәшгульлек үзәге тарафыннан 18 гариза кергән, укуга килешүләр төзелгән һәм якын арада укулар башланачак, – ди Венера Стоянова. – Яңадан укыту программасы – яңа һөнәр алу мөмкинлеге генә түгел. Бу үз тормышыңда яңа бүлек башлау, уңышлы карьера төзү һәм үз потенциалыңны тормышка ашыру мөмкинлеге.

Бу мөмкинлекне кулдан ычкындырмагыз! Бүген үк бушлай укуларга язылыгыз! 8 (8-4344) 2-78-87 телефоны буенча шалтыратыгыз.