Һәр мәсьәләне җентекләп тикшерделәр
Бүген район башкарма комитетында район прокуратурасы оештырган хокук мәсьәләләре буенча гражданнарны кабул итү булды.
Гражданнарны район прокуроры Эдуард Хираҗев, район башкарма комитеты җитәкчесе Станислав Зайцев, социаль яклау бүлеге җитәкчесе Елена Зайцева, опека һәм попечительлек бүлеге җитәкчесе Айсылу Төхфәтуллина кабул иттеләр.
Аларга район кешеләре төрле проблемалар белән – торакка документлар рәсмиләштерүдәге катлаулы мәсьәләләрне, балигъ булмаганнарның хокукларын яклау һәм башка мәсьәләләрне ачыклауда ярдәм итүне сорап мөрәҗәгать иттеләр.
Район прокуроры Эдуард Хираҗев һәм кабул итүдә катнашучылар килүчеләргә аңлатмалар бирделәр, һәр мәсьәләне җентекләп тикшерделәр, ә бер өлешен эшләп бетерү өчен алдылар.
Следите за самым важным и интересным в Telegram-каналеТатмедиа
Нет комментариев