Фәрит Мөхәммәтшин яшьләрне фейкларга җавап бирмәскә чакырды

Украинада хәрби махсус операция башлану сәбәпле, ике илнең мәгълүмати киңлегендә бик күп фейк барлыкка килә башлады. Россиянең һәм Украинаның тагын да зуррак конфликтын булдырмау өчен мәгълүматны тикшерергә һәм фейкларга җавап бирмәскә кирәк.

«Мәгълүмат киңлегендә эшкә игътибар итегез. Биредә үз алымнарын алып барырга була, бигрәк тә яшьләр бу тирәлектә деструктив чагылышларга дучар. Низаг чыгара торган фейклар агымын безнең ил җитәкчелегенең, безнең Хәрби көчләрнең тыныч һәм уйланылган аргументациясенә каршы куярга мөмкин», — диде Яшьләр парламентының сигезенче утырышында Татарстан Дәүләт Советы Рәисе Фәрит Мөхәммәтшин спикер. 

Ул хәзерге фейклар һәм Россия ягына гаепләүләр ташкыны ике ил конфликтын бары тик арттыра гына, дип өстәде. 

Исегезгә төшерәбез, 2022 елның 4 мартында Россиядә фейклар турында яңа закон кабул ителде. Ул илдә хәрбиләрнең гамәлләре турында ялган мәгълүмат тарату өчен җәза кертә. Законны бозган өчен кулга алу срогы 15 елга җитәргә мөмкин.

Чыганак: tatar-inform.tatar