Дәүләт Думасы депутатында кабул итүдә

Район кешеләре депутатка төрле мөһим мәсьәләләр белән мөрәҗәгать иттеләр. Аерым алганда, яшь әниләрне сабыйларны сөт продуктлары белән тәэмин итү, бала тапкан аналарга пособиеләр түләү мәсьәләләре борчыды.

Аксубайда яшәүче бер ханым торакны газлаштыруда ярдәм сорады, районның ветераннар оешмасы вәкиле Рәис Беляев истәлегенә һәйкәл куюда ярдәм сорап мөрәҗәгать итте. Депутат һәр мөрәҗәгатьне шәхси контрольгә алды.

Аларның кайберләре буенча республика ведомстволары вәкилләре белән эш дәвам итәчәк.