Депутаттан зур бүләк

Кунак зур бүләк: кер юу машинасы, кер юу чаралары запасы, уенчыклар һәм өстәл уеннары алып килде. Социаль яклау бүлеге җитәкчесе Елена Зайцева һәм приют директоры Любовь Старшинина озатуында депутат учреждение шартлары белән танышты, балалар яши, ял итә һәм иҗат белән шөгыльләнә торган бүлмәләрдә булды, балалар белән кызыксынып аралашты.

– Мин сезнең «ВКонтакте» битегезне укыдым һәм сезнең ничек яшәвегез турында белдем һәм нәрсәләр белән шөгыльләнүегезгә сокландым, – диде Ринат Фазылов. – Хәзер үз күзләрем белән күрәм: сезнең тормышыгыз чыннан да бай – сәяхәтләр, спорт, экскурсияләр, акцияләрдә һәм иҗтимагый инициативаларда катнашу.

Яңа кер юу машинасы приют өчен зур ярдәм: балалар актив, күп вакытларын урамда үткәрәләр, эшләрдә катнашалар һәм җәй көне атнага берничә тапкыр мунчада коеналар, шуңа күрә даими рәвештә чиста кием кирәк.

Приют җитәкчесе парламент вәкиленә ярдәм өчен рәхмәт белдерде.