Чаллыда йортлар арасында йөрүче төлкене видеога төшергәннәр

Социаль челтәрләрдә Чаллыда торак йортлар арасында йөргән төлкенең видеосы чыкты.

Кадрлардан күренгәнчә, ул аксаклап йөри һәм фара утыннан курка. Шуңа да карамастан, ачлык хисе аны азык эзләп якындагы чүп контейнеры янына килергә мәҗбүр итә.

Социаль челтәрләрдән файдаланучылар калдырган комментарийларда төлкеләрнең шәһәргә беренче тапкыр гына килмәвен искәртә. Төлкеләр котыру чирен тарата, шуңа күрә аларга якын килмәвең хәерле, дип кисәтә алар.

Чыганак: tatar-inform.tatar