Беренче сыйныф укучыларына янгын вакытында үзеңне ничек тотарга кирәклеген аңлаттылар
Аксубай 2 нче урта мәктәбенең 1 нче сыйныф укучыларына утның куркыныч булуы турында сөйләделәр
Янгын куркынычсызлыгы һәм “Балалар иминлеге” айлыклары кысаларында беренче сыйныф укучылары белән Дәүләт янгын күзәтчелеге белгече Александр Бибиков очрашты.
Очрашу барышында кунак балаларга фатирда кинәт янгын чыккан очракта үзеңне ничек тотарга кирәклеген аңлатты.
Белгеч нинди дөрес булмаган гамәлләрнең янгын чыгуга китерә алуы турында сөйләде.
Балаларның игътибарын ул ут чыккан очракта ашыгыч рәвештә урамга чыгарга кирәклегенә юнәлтте.
Балалар әңгәмәдә турыдан-туры катнаштылар һәм чара ахырында янгыннан саклануның төп ысулы – үзеңнең аның сәбәбе булмау дигән нәтиҗәгә килделәр.
Фото: Аксубайның 2 нче мәктәбе архивыннан.
Следите за самым важным и интересным в Telegram-каналеТатмедиа
Нет комментариев