“Бердәм Россия” праймеризында Аксубай районы башлыгы Камил Гилманов катнашты

Участокка ул күтәренке кәеф белән килде, праймеризда катнашу ирекле, әмма бу мәсьәләгә җаваплы карарга кирәк, дип билгеләп үтте.

– Гражданлык активлыгы алдан тавыш бирү этабында мөһим. Чөнки безгә Дәүләт Думасына лаеклы кандидатлар сайларга кирәк, алар, барыннан да элек, халык мәнфәгатьләрен кайгыртачак, – дип билгеләп үтте Камил Гилманов.

Аксубай районында бүген тугыз хисап участогы эшли. Алар 8:00дән 20.00 сәгатькә кадәр ачык булачак. Кандидатура өчен үз тавышын 18 яше тулган һәр кеше бирә ала.

Районның тагын сигез торак пунктында: Яңа Тимошкино, Яңа Үзи, Татар Сөнчәлесе, Кәкре Күл, Иске Ильдеряк, Яңа Аксубай һәм Түбән Савруш авылларында да тавыш бирергә була.