Бер ел эчендә эштән китүче һәм эшкә килүче табиблар саны билгеле

Татарстанда 2021 елда 1858 табиб эшли башлаган, шул ук вакыт эчендә дәүләт клиникаларыннан 1700е киткән. Бу хакта «Татар-информ» мәгълүмат агентлыгында узган матбугат конференциясендә ТР сәламәтлек саклау министры урынбасары Илдар Фатыйхов сөйләде.

«1858 килде, 1 700 табиб китте. Китүчеләргә караганда килүчеләр күбрәк булды. Без пенсия яшендәге кешеләр китүен, тагын бер өлеше башка төбәкләргә күчүен, шәхси медицина оешмаларына китүчеләр булуын билгеләп үтәбез», — диде спикер.

Шулай ук республикада 3356 урта медицина хезмәткәре эшкә урнашкан.

Илдар Фатыйхов, сәламәтлек саклау системасы өчен белгечләрнең уңай үсеше булуы мөһим, дип искәртте.

Элегрәк «Татар-информ» пандемия елларында пенсиягә китүчеләрнең 25 проценты эшкә яңадан кайтуын хәбәр иткән иде.

Чыганак: tatar-inform.tatar