Балаларны тәрбияләү буенча муниципаль команда ата-аналар җыелышында катнашты

Кәкре Күл урта мәктәбе мәйданчыгында хокук бозуларны профилактикалау һәм яшүсмерләрнең җәмгыятьтә үз-үзләрен тоту кагыйдәләрен үтәү буенча оештырылган чарада Фоат Абдуллин һәм балигъ булмаганнар эшләре буенча инспектор Кристина Удиярова чыгыш ясады.

«Террорчылыкка – Юк!» айлыгы кысаларында муниципаль район башлыгының террорчылыкка каршы тору буенча ярдәмчесе Эльмира Крайнова коррупциягә каршы торуга һәм террорчылыкны профилактикалауга кагылышлы мәсьәләләргә кагылды.

Районның белем бирү мәктәпләрендә тәрбия эше кураторы Наталия Хәйруллина «Мәгариф мохитендә балаларның куркынычсызлыгы» темасы белән чыгыш ясады.

— Мәктәп укучыларның яклануын бары тик гаилә белән берлектә генә гарантияли ала, – дип ассызыклады муниципаль координатор.

Директор киңәшчесе Наталья Мурзина, ата-аналарны юл куркынычсызлыгы статистикасы белән таныштырып, юлда укучыларның иминлеген тәэмин итүдә ата-аналар төп рольне уйнарга тиеш, дип билгеләп үтте. Директор ярдәмчесе гриппны һәм ОРЗны профилактикалау мәсьәләләренә дә кагылды.

Мәктәпнең уку мөдире Гөлназ Гыйматдинова 2023-2024 нче уку елында укыту-тәрбия эшенә анализ ясады, ә учреждение директоры Наталия Купцова укучыларны сыйфатлы туклану белән тәэмин итү мәсьәләсен күтәрде. Җыелышта туклану сыйфатын тикшереп торуны оештыру буенча ата-аналар советы да сайланды.

Яңа уку елында укытучыларның һәм ата-аналарның беренче очрашуы һәркемдә уңай тәэсир калдырды.

— Балаларны укыту, үстерү һәм тәрбияләү буенча барлык мәсьәләләр киләчәктә дә ата-аналар белән тыгыз хезмәттәшлектә хәл ителер дип өметләнәбез, – дип тәмамлады җыелышны Наталия Купцова.