Азык хәзерләү – көн бурычы

Кырларда киеренкелек бер көнгә дә тынмый, чөнки шундый җаваплы вакытта һәр сәгать кадерле. Район үсемлекчеләре кышка азык җитәрлек булсын өчен бар көчләрен куеп эшлиләр.

Район авыл хуҗалыгы һәм азык-төлек идарәсе мәгълүматлары буенча, бүгенгесе көнгә механикалаштырылган отрядлар сенаж чокырларына 36 мең тоннадан артык сенаж салганнар. Печән хәзерләү өчен дә кулай вакыт. Үләннәр кызу кояш нурлары астында тиз кибә. Районның азык хәзерләү звенолары 10 мең тоннадан артык беренче чабым печәнен хәзерләгәннәр.