Авыл мәктәбендә каникул көннәрендә «татлы ярминкә» узды

Бәйрәмдә укучылар өйдә әниләре һәм әбиләре белән әзерләгән кулинария һәм кондитер әйберләре тәкъдим ителде.

Татлы сыйдан һәркем авыз итә алды.

Бу көнне балалар шатлык хисләре алдылар, беркемнең дә мәктәптән китәсе килмәде. Аралашу бәйрәме кызыклы үтте, музыка яңгырап торды. Барлык катнашучыларны да өйдә әзерләнгән сый-хөрмәт көтте. Ассортимент бик бай иде.

Педагоглар, мәктәпнең техник хезмәткәрләре һәм балаларның ата-аналар ярминкә дегустаторлары булдылар. Алар барысы да шатлыклы бәйрәм мохитенә чумдылар.

– Бәйрәм бик күп уңай һәм якты хис-кичерешләр бүләк итте, – дип сөйли директор киңәшчесе Наталия Яшмурзина. – Һәм мин бу чараны чын-чынлап «антибуллинг» дип атарга мөмкин дип уйлыйм.