Авыл китапханәсендә Раштуа бәйрәме узды 

Бәйрәмгә өлкән буын кешеләре һәм авыл балалары җыелды. 

Укучылар Иисус Христосның дөньяга килү сере турында театральләштерелгән тамаша әзерләделәр. Яшь артистларның чыгышын тамашачылар лаеклы бәяләде. 

Аксубай православие чиркәве дин әһеле Антоний Рыбочкин җыелучыларны бәйрәм белән җылы котлады, балаларга укуларында, иҗади башлангычларында уңышлар, ә өлкәннәргә сәламәтлек, иминлек, көндәлек эшләрдә һәм игелекле башлангычларда Ходай ярдәме теләде. Ул бәйрәмгә буш кул белән килмәде – балаларга Раштуа бүләкләре өләште. Тантана җылы, шатлыклы мохитта үтте. Очрашу китапханәдә гомуми бәйрәм ашы өстәле артында тәмамланды.