Апрельдә Татарстанда һава температурасы бер градуска нормадан югары була

Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Бөтен республика өчен климат нормасы +5,4 градус, ә башкала өчен +5,8 градус була, дип хәбәр итә метеорологлар.

Шул ук вакытта айлык явым-төшем нормасы якынча климат нормасына туры килә. Татарстанда ул 30 мм, ә Казанда 33 мм тәшкил итә.

Казан федераль университеты профессоры, география фәннәре докторы Юрий Переведенцев «Татар-информ» белән әңгәмәдә билгеләп үткәнчә, март нәтиҗәләре буенча Татарстан башкаласында уртача айлык температура климат нормасыннан 3-4 градуска югары булачак.

Бүген, 1 апрельдә, республикада көчле җил һәм 10 градуска кадәр җылы, шулай ук яңгыр көтелә (урыны белән җепшек кар).

Чыганак