Антка тугрылык белән: Аксубайдан икенче язгы төркем хезмәткә китте

Бу дулкынландыргыч вакыйга булачак солдатларны, аларның туганнарын һәм хөрмәтле кунакларны җыйды.

Вакытлы хәрби хезмәткә алынучылар арасында – Аксубайдан Никита Фисанов һәм Максим Мельников, Кәкре Күлдән Григорий Башатов, Владимир Львов, Рус Кармәтеннән Александр һәм Дмитрий Шуваловлар.

Егетләргә хәер-фатихалы сүзләр белән район Башкарма комитеты җитәкчесе Станислав Зайцев мөрәҗәгать итте.

– Армия – теләсә кайсы ир-егет өчен тормыш мәктәбе ул. Биредә кешенең холкы чыныга, дисциплина һәм җаваплылык тәрбияләнә. Өйгә кайтканда сез гаиләгезнең таянычы һәм үзегездән кечеләр өчен үрнәк булачаксыз, – дип билгеләп үтте ул.

Булачак солдатларга Аксубай һәм Чирмешән районнары хәрби комиссары урынбасары Радик Әмиров уңышлар теләде. Гомеренең күп елларын Ватанга хезмәт итүгә багышлаган үзәк хәрби округы инспекторы генерал-майор Анатолий Молоствов та хәрби хезмәткә чакырылучыларга хәер-фатихасын бирде.

Шулай ук «Ватанга хезмәт итәм» ветераннар оешмасы вәкилләре Виталий Маркин, Флен Зәйнуллин һәм Алексей Бобов та егетләргә җылы сүзләр әйттеләр:

–Антка тугры һәм намуслы хезмәт итегез – без сезнең белән горурланачакбыз, – диделәр алар.

Егетләр өлкәннәрнең теләк-киңәшләрен игътибар белән тыңладылар. Митинг хәрби хезмәткә чакырылучыларга туганнары белән элемтәдә тору өчен кәрәзле телефоннар тапшыру белән тәмамланды.