Аксубайда Яңа ел бәйрәмнәренә әзерлек башланды

Аксубай төрле утлар белән балкыды – мондый күренеш кемгә таныш түгел икән? Иң тылсымлы, якты Яңа ел бәйрәме бүгеннән үк сизелә. Тәүлекнең караңгы вакытында Геройлар Аллеясында төрле төсләр белән балкыган яңа ел гирляндалары утлары беркемне дә битараф калдырмый. Ел саен оешмаларның үз биналарын нинди фантазия белән бизәүләрен күрәбез һәм алар белән сокланабыз.

Яңа ел бизәлешенә беренчеләрдән булып Мәшгульлек үзәге хезмәткәрләре кереште – бина фасадын балкытып торган утлар һәм биюче балерина силуэты күзләрне иркәли. Чынлыкта, без бәйрәмне билгеләп үтү өчен түгел, ә яңа елда ниндидер тылсым буласына ышанып көтәбез.