Аксубай урманчылыгында “песочная” дип аталган участокта чиста һәм уңайлы булып калды

«Татарстанның чиста урманнары» республика акциясе кысаларында Аксубай участок урманчылыгының икенче һәм дүртенче кварталларында өмә үткәрелде. Районда “песочная” дип аталган периметр буенча урман буенда урманчылык һәм урман хуҗалыгы хезмәткәрләре ел саен көнкүреш чүп-чарын җыештыралар. Бу – шешәләр, чүп-чар тутырылган ташлап калдырылган пакетлар. Барлыгы 2 кубометр чүп-чар җыелды. Урманчылар бөтен көнкүреш чүп-чарын каты көнкүреш калдыклары полигонына озаттылар.

– Нәкъ менә шушы участокта еш кына санкцияләнмәгән чүплекләр күзәтелә, – дип билгеләп үтте Аксубай урманчылыгы җитәкче-урманчысы Андрей Илмухин. – Монда район халкы һәм кунаклар еш була. Күпләр, табигатьтә ял итеп, үзләреннән соң чүп-чар өеме калдыралар. Кемнәрдер, бөтенләй, көнкүреш калдыкларын капчыклап бирегә китереп актара.

Ә бит көнкүреш калдыклары полигонына кадәр нибары берничә чакрым гына. Урман хезмәткәрләре әлеге участокның, шулай ук гражданнарның күпләп ял итү урыннарын чиста тоту өчен зур тырышлык куялар. Алар башка мөһим эшләрне читкә куеп, урманнарны җыештыру белән шөгыльләнергә мәҗбүр.