Аксубай укучылары биш көнлек хәрби-күнекмә җыеннары кысаларында Казан югары танк училищесы полигонында булдылар 

Аларны Аксубай һәм Чирмешән районнары хәрби комиссары Сергей Иванов белән бергә «Тормыш иминлеге нигезләре» буенча укытучылар озатып йөрде. Полигонда балалар хәрби эшкә өйрәнделәр һәм Калашников автоматыннан атып карадылар. 

Балалар беренче тапкыр үз кулларында чын хәрби корал тоттылар. Бу аларның хәтерендә озак сакланыр. Чөнки тормыш иминлеге нигезләре дәресләрендә алар автоматны сүткәндә һәм җыйганда макетны гына кулланалар. Ә биредә алар үзләренең белемнәрен практикада тикшерделәр. 

Мондый практик дәресләр ел саен районда уза торган өлкән сыйныф укучыларының биш көнлек хәрби-күнекмә җыеннары кысаларында оештырылды.