Аксубай спортчылары янә футбол олимпын яуладылар

Самарада футбол буенча ел саен уздырыла торган «Чемпионнар Кубогы 2021» IV Бөтеноссия турниры тәмамланды. Анда 6 дан 16 яшькә кадәр спортчылар катнашты. Безнең районнан ике команда – Нурлат тренеры Инсаф Валитов тәрбияләнүчеләре футбол мәйданчыгында башка шәһәрләр, төбәкләр һәм өлкәләрнең иң көчле командалары белән очраштылар.

Турнир берничә яшь категориясе буенча үтте. «Интер» тәрбияләнүчеләре ике – U6 (2014-2015 елда туган) һәм U8 (2012-2013 елда туганнар) төркемнәрендә тәкъдим ителде.

Безнең спортчылар искиткеч уен күрсәттеләр. Яшь булуларына карамастан, U6 төркеме уенчылары җанатарларны үзләренә башка күзлектән карарга мәҗбүр иттеләр. Ә Олег Пименов нинди көчле гол кертте! Комментаторлар фикеренчә, мондый уенчыларны, һичшиксез, җыелма командага алырга кирәк.

Безнең районның ике командасы да бронза плей-оффта җиңү яуладылар. Балалар өйләренә шәп кәеф белән һәм яңа җиңүләргә омтылыш белән кайттылар.