Аксубай районында республика парламентының яңа составы өчен тавыш бирү лидерлары билгеләнде

Аксубай районында тавыш бирү лидерлары билгеле булды. Мәскәү вакыты белән 15.00 сәгатькә сайлаучыларның 92 проценты килүе турында Киса, 91 процент - Емелькино, 86 процент - Кызыл Тау, 82 процент - Баланда, 77 процент - Кәкре Күл сайлау участоклары рапорт бирде. 

Түбән Баланданың 605 нче сайлау участогы җәмәгать күзәтүчесе Татьяна Воронина билгеләп үткәнчә, Бердәм тавыш бирү көне аларның участогында тәртип бозуларсыз уза. 

Искә төшерәбез, бүген республика халкы ТР Дәүләт Советына депутатлар сайлый. 100 депутатлык мандатларына сигез сәяси партиядән, шулай ук үзләрен-үзләре күрсәткән 430 кандидат дәгъва кыла. Сайлаулар тавыш бирүчеләрнең күпләп килүе белән уза. Тавыш бирүне 103 төбәк һәм федераль ММЧ яктырта. Сайлауларның чисталыгын күзәтүчеләрнең зур корпусы күзәтә: аерым участокларда 25 кешегә кадәр. Үзәк сайлау комиссиясе мәгълүматларына караганда, сайлаулар тәртип бозуларсыз уза, шикаятьләр булмаган.