Аксубай районында Бердәм тавыш бирү көне төгәлләнде
20.00 сәгатьтә Аксубай районының барлык сайлау участокларында ТР Дәүләт Советына сайлауларда тавыш бирү тәмамланды.
Аксубай муниципаль районының участок сайлау комиссияләре, территориаль сайлау комиссияләре сайлаучыларның тавышларын санауга керешә.
Искә төшерәбез, иртәнге сәгать җидедә Аксубай районында 47 сайлау участогы ачылды: 4се - район үзәгендә һәм 43е –районның торак пунктларында.
Бүген Татарстанда Бердәм тавыш бирү көне уза. Республика халкы ТР Дәүләт Советына депутатлар сайлый. 100 депутатлык мандатларына сигез сәяси партиядән, шулай ук үзләрен-үзләре күрсәткән 430 кандидат дәгъва кыла.
Аксубай районы территориясендә 22025 сайлаучы теркәлгән, шуларның 503е беренче тапкыр тавыш бирә. Сайлауларның чисталыгын күзәтүчеләрнең зур корпусы күзәтә: аерым участокларда 25 кешегә кадәр. Тавыш бирүне 103 төбәк һәм федераль ММЧ яктырта.
Следите за самым важным и интересным в Telegram-каналеТатмедиа
Нет комментариев