Аксубай игенчеләре терлек азыгы әзерләү темпларын арттыралар

Район авыл хуҗалыгы һәм азык-төлек идарәсе мәгълүматларына караганда, 20 июньгә 9489 гектар күпьеллык үлән мәйданнарының 1850 гектары чабылган, кичәге көндә генә дә 400 гектарга якын мәйданнан яшел масса җыеп алынган. 572 тонна сыйфатлы печән, 534 тонна сенаж әзерләнгән. Һава шартлары әзерләү процессын бераз тоткарлый, шуңа да карамастан, механизаторлар эшне дәвам итү өчен һәр матур сәгатьтән файдаланырга тырышып хезмәт куялар.