Аксубайның маскировкалау челтәрләре үрү пунктына эшче куллар һәм челтәрләр кирәк

Бу эш белән волонтерлар – йөрәк кушуы буенча үз катнашулары белән сугышчыларга ярдәм итәргә, аларны ядрәләр һәм снарядлар эдәгүдән сакларга теләүче кешеләр мәшгуль. Алар арасында «Буратино» балалар бакчасы мөдире Гөлшат Гыйльметдинова җитәкчелегендәге хезмәткәрләр дә бар.

Бу пунктның алда эше бик күп әле. Әлегә ул җайга салына гына, бу этапта продуктив эшчәнлек өчен нәрсә кирәклеге ачыклана.

– Безгә эшче куллар бик кирәк, – ди Гелшат Гыйльметдинова. – Иртән балалар бакчасы хезмәткәрләре бәйли, аларны алыштырырга кирәк. Ә кешеләр юк. Көн саен шулай булачак. Кемнәр катнашачагы турында уйларга кирәк. Тукымаларны челтәргә бәйләргә сәләтле кешеләрне – пенсионерларны, яшьләрне, эш белән мәшгуль булмаган кешеләрне һәм эшләүчеләрне (пункт кичке 20.00 сәгатькә кадәр ачык, эштән соң да бирегә килергә мөмкин) булышырга чакырабыз. Хөрмәтле Аксубай һәм район авылларында яшәүче халык, без сезне көтеп калабыз. Болар барысы да безнең сугышчыларга ярдәм бит.

Икенче проблема: челтәр кирәк. Үтенеп сорыйбыз, бу төп материал белән үрү пунктын тәэмин итүче табылсын иде.