Аксубайның яшь парлары никахларын теркәгәннән соң сайлау участогында тавыш бирде

ЗАГС бусагасында дулкынланган яшь парлар теркәлү датасын алдан планлаштырмаганнарын, ә хисләрен танышу көненнән бирле бер еллык дуслык белән тикшергәннәре турында уртаклаштылар.

Мендельсон маршы астында ике сөйгән йөрәк никахларны теркәү залына үттеләр.

– Бүген сезнең туй көне, бу көннән сезнең яңа гаилә тормышыгыз башлана. Чын берлек – ике кешенең гомер буе бергә яшәргә теләге генә түгел, бу бер-берсен тапкан ике җанның кушылуы, – дип билгеләп үтте район башкарма комитетының ЗАГС бүлеге мөдире Светлана Крайнова.

Яшьләр берлекне имзалар белән ныгыттылар, балдаклар алмаштылар, бер-берсен яратып котладылар. Гаилә башлыгына беренче гаилә документын – никахны теркәү турында таныклык тапшырылды.

Анорьевлар гаиләсе беренче котлауларны иң кадерле кешеләрдән – әти-әниләреннән, туганнарыннан һәм якыннарыннан гына кабул итмәде. Никахлашу көне белән аларны район башлыгы Камил Гилманов та котлады.

– Бу көн гомер буе истә калачак, ул ил тарихындагы төп вакыйга – Россия Федерациясе Президентын сайлау белән бәйле. Сезгә озак еллар дәвамында, әти-әниләрегезне хөрмәт итеп һәм, әлбәттә, булачак балаларыбызны, илебезнең – бердәм Россия гражданнарын иң яхшы традицияләрдә тәрбияләп, тормыш сукмагыннан кулга-кул тотынышып атлавыгызны телибез, – диде Камил Камал улы.

Никах район мәдәният йорты бинасында теркәлде, анда беренче катта участок сайлау комиссиясе тулы көчендә эшләде.

Сайлау участогында да туй мохите барлыкка килде – яшь пар тавыш бирү процедурасында катнашты.

Алар шулай ук 2024 елгы Гаилә елына багышланган бәйгедә дә катнаштылар.

Чөнки 2024 елның 15, 16 һәм 17 мартындагы сайлауларга килгәч, Татарстаннан теләсә кайсы гаилә, #ТатарстанАлга #Всейсемьейнавыборы фотоконкурсында катнашып һәм җиңеп, өч “Lada Vesta” автомобиленең берсен алуга ирешә ала.

Яңа өйләнешкән пар бюллетеньнәрне тавыш бирү урнасына төшергәннән соң алган беләзекләрне кулларына киделәр. Ләйлә һәм Артем мәхәббәттә бәхеткә ирештек, бәйгедә дә бәхет елмаер, дип өметләнәләр!