Аксубайлыларга алкоголь продукциясе белән сәүдә итүнең хокукый аспектларын искә төшерделәр

Очрашу хуҗалык субъектлары белән алкогольле һәм спиртлы продукцияне ваклап сату өлкәсендә төбәк дәүләт контролен (күзәтчелеген) гамәлгә ашырганда хокук куллану һәм административ практика нәтиҗәләре буенча фикер алышу буенча гавами чаралар кысаларында узды.

Район территориясендә әлеге продукция белән сатуның ничек оештырылуы турында район башкарма комитеты җитәкчесенең беренче урынбасары Илшат Моратшин сөйләде.

Алкоголь продукциясен ваклап сату 60 тан артык сәүдә ноктасында алып барыла.

Алкоголь продукциясен ваклап сату базарының торышына характеристика буенча җирле ваклап сату базарларындагы вәзгыятьне бәяләүнең комплекслы методикасы һәм күрсәткечләре расланды. Алар 12 пункттан тора. Шул исәптән: алкоголь базары өлкәсендә контрольгә вәкаләтле башкарма хакимият һәм җирле үзидарә органнары эшенең нәтиҗәлелеге, халыкның алкоголь продукциясен куллану нәтиҗәләре, «Халык контроле» дәүләт мәгълүмат системасын кулланып, Татарстан Республикасында алкоголь продукциясе әйләнеше өлкәсендә законнарны бозу мәсьәләләре буенча гражданнарның активлыгы.

– Әлеге бәяләү нәтиҗәләре буенча беренче яртыеллыкта 45 район арасыннан Аксубай 25 нче урында тора, – дигән мәгълүмат бирде Илшат Моратшин.

Киңәшмәдә билгеләп үтелгәнчә, бу өлкәдә законнарны бозу ярамый. Гражданнарның гомеренә һәм сәламәтлегенә зыян китерергә мөмкин булган законсыз әйләнешне һәм башка гамәлләрне тормышка ашыручыларга карата җинаять эшләре кузгату өчен материаллар җибәрүгә кадәр закон белән күрсәтелгән барлык чаралар кулланыла.

Киңәшмәдә катнашучыларга мөрәҗәгатендә Вадим Шипов республика икътисадына йогынты ясый торган Татарстан Республикасында җитештерелгән продукциягә игътибар итте. Киңәшмәдә билгеләп үтелгәнчә, районның сәүдә объектларында республикада җитештерелгән продукциянең җитәрлек дәрәҗәдә калдыгы булу һәм аны вакытында китерү мәсьәләләре аерым контрольгә алынган. Сәүдә челтәрләрендә бергәләп күчмә мониторинглар үткәрелә. Сәүдә вәкилләре даими рәвештә элемтәдә торалар һәм нинди дә булса проблемалар килеп чыкса, мәсьәләләр оператив хәл ителә.

Алкоголь продукциясенең законсыз әйләнешен туктату буенча ведомствоара район комиссиясе утырышлары ай саен үткәрелә. Легаль булмаган продукциянең законсыз әйләнешен киметү максатында җирлек башлыклары, идарәче компанияләр вәкилләре, Эчке эшләр бүлеге хезмәткәрләре белән контроль-оператив чаралар уздырыла.