Аксубайлылар Мәскәү янындагы теракттан һәлак булганнарны искә алдылар

Бүген Россиядә гомуммилли матәм көне игълан ителде. 

22 мартта кораллы кешеләр төркеме популяр “Пикник” төркеме концерты узачак бинага бәреп керә. Террорчылар җомга кичендә монда меңләгән кеше җыелачагын төгәл белгән. Һәм гади гражданнарга массакүләм ату оештырдылар, алар арасында балалар да була. Матбугат чараларында игълан ителгән соңгы мәгълүматларга караганда, 133 кеше һәлак булган, хастаханәләрдә йөздән артык зыян күрүче бар. Алар ату өстенә, бинаны да яндырганнар. Түбә һәм конструкцияләр җимерелгән, һәлак булучыларның күбесе төтенгә тончыккан, кешеләр хәрабәләр астында һәлак булган 
Аксубай районы халкы да бу фаҗиганы һәм кайгыны үзенеке итеп кабул итте. 

Матәм митингында район җитәкчелеге, иҗтимагый оешмалар, балалар катнашты. 

Район башлыгы Камил Гилманов, аксубайларга мөрәҗәгать итеп, гаепсез теракт корбаннарына карата кайгы сүзләрен җиткерде, аны эшләгән затларны гаепләде. 

– Бүген Россиядә матәм көне игълан ителде һәм без бөтен ил белән кайгырабыз. Өлкәннәр һәм балалар һәлак булды, бу фаҗига – безнең һәрберебез өчен, бөтен республика өчен, бөтен ил өчен авыр хәсрәт, – дип билгеләп үтте район башлыгы. – Башкисәрләр шартлаулар, терактлар оештыралар. Ләкин без бергә булганда Россияне бернәрсә белән дә җимереп булмаячак! 

Һәлак булганнарны бер минут тынлык белән искә алдылар. 

– Без бөтен гаиләбез белән елыйбыз, гаепсез балалар, кешеләр һәлак булды бит. Концертка барганнар һәм кемнеңдер әти-әнисе, кемнеңдер кызы улы өйләренә әйләнеп кайтмаган, – дип уртаклашты Аксубайда яшәүче Наталья. – Бу фаҗиганең теләсә кайсы шәһәрдә була алуы һәм аннан беркем дә иминиятләштерелмәве әрнүле. 

Бүген һава торышы да мәрхүмнәрне искә алып елый. Бу теракт соңгы дистә еллардагы иң куркыныч фаҗигаләрнең берсе булды. Мәңгелек ут янында оештырылган мемориалда дистәләгән матәм шәмнәре кабызылды. Аксубайлылар кайгыра, әрни. Һәлак булганнарга мәңгелек дан. Зыян күрүчеләргә тизрәк савыксыннар иде.