Аксубайлылар футбол турнирының алтын кубогын отты

Нурлатта Идел буе Болгар дәүләтендә ислам динен кабул итүгә 1100 ел тулуга багышланган мини-футбол буенча ярышлар узды.

Ярышлар башланыр алдыннан кунакларны район имам-мөхтәсибе Наил хәзрәт Абулханов сәламләде. Ул республика мөфтие Камил хәзрәт Сәмигуллинның хәер-фатихасын һәм тынычлык теләвен җиткерде.

Беренчелекне республиканың алты мөхтәсибәте командасы һәм Болгар ислам академиясе студентлары дәгъва итте. Район футболчылары бик әйбәт чыгыш ясадылар, бер-бер артлы җиңү яуладылар һәм нәтиҗәдә мөселман командалары турнирының төп призына ия булдылар.