Аксубайдан казанлылар өчен иң сыйфатлы авыл хуҗалыгы продукциясе

Аксубайлылар башкала халкы өчен төрле төр ит, сөт, сөт продукциясе, йомырка, яшелчәләр, бал алып килделәр. Казанлылар ярминкәдә тәкъдим ителгән азык-төлек товарының сыйфаты шәһәр кибетләрендәгегә караганда күпкә яхшырак икәнен беләләр. Ит һәм сөт продукциясе ветеринар-санитар экспертиза үткән. Ә аларга бәяләр Татарстан башкаласы кибетләренекеннән күпкә арзанрак. Казанлылар Аксубай районы вәкилләре алып килгән товарны теләп сатып алдылар.